علي نواياكم ترزقون! بقلم: وفاء المصرى

الحمدلله على نعمة القلب اللي مابيعرفش يكره ولا يحقد علي حد .. الحمدلله علي نعمة القلب الراضي بنصيبه من غيرمايحسد غيره .. الحمدلله على نعمة القلب اللين اللي بيسامح وينسي ويصفي ..

الحمدلله على نعمة القلب الواضح اللي بوش واحد مش متلون بألف لون ..

القلب اللي بالصفات دي بيريح صاحبه .. وبيخليه يعيش حياة هادية وبيكون شخص مستقر نفسيا ..

أما القلوب السودة الشيالة اللي بتفتكر الاساءة ولو عدي عليها سنين وتنكر الفضل ولو عدي عليه ثواني

دي قلوب بتظلم صحابها .. لانهم بيفضلو طول الوقت عايشين في قلق .. مابيرتاحوش ابدا

الغل والكره اللي مالي قلوبهم بيبقي زي النار بتحرقهم قبل مابتحرق اللي حواليهم ..

قلوبهم سودة وعتمة .. وتحسها بتنعكس علي ملامحهم .. بتلاقيهم اشخاص بلاستيك مافيهمش روح .. كلهم جمود كأنهم انسان آلي ..

مابيعرفوش يضحكوا من قلبهم .. ولا عمر الابتسامة نورت وشهم .. ولا حتي بتليق عليهم ..

ياريت الناس تعرف ان الدنيا مالهاش اي قيمة ويبطلو حقد وكره وغيرة عامية مالهاش داعي .. الدنيا ف لحظة بتتقلب .. والبني ادم في غمضة عين بيتمحي من الوجود ..

صفو قلوبكم دي الدنيا متفاتة